“Өглөөний шуудан” сайт нь өглөө бүр таны оюун санааны охь шимийн төлөө хичээнгүйлэн ажиллахдаа улс төр, эдийн засаг, эрэн сурвалжлах, нийгмийн амьдрал, дэлхийн мэдээ, энтертаймент ертөнц, аяны богц, сошиалын суваг гэсэн үндсэн цэсийн дор үйл ажиллагаа эрхэлнэ.
ЗӨВЛӨГӨӨ: Хичээлийн цүнх хэр хүнд байх ёстой вэ?
Хичээлийн шинэ жил ойртож байгаа энэ үед мэргэжилтнүүд сурагчдын цүнхний жинд анхаарахыг эцэг эхчүүдэд зөвлөж байна. Хэт хүнд цүнх нуруу, мөр, хүзүүнд ачаалал өгч, удаан хугацаанд бие бялдрын хөгжилд сөргөөр нөлөөлдөг байна.
Америкийн Хүүхдийн эмч нарын академийн зөвлөмжөөр сурагчийн цүнх нь биеийн жингийнх нь 10 хувиас хэтрэхгүй байх ёстой. Зарим мэргэжилтэн 10-15 хувь хүртэл зөвшөөрөгдөнө гэж үздэг. Жишээ нь 30 кг жинтэй хүүхдийн цүнх 3 кг-аас, 40 кг жинтэй хүүхдийнх 4 кг-аас хэтрэх нь тохиромжгүй.
Гэвч бодит байдал өөр. Судалгаанаас үзэхэд сурагчид дунджаар биеийн жингийнхээ 15 хувьтай тэнцэх ачаа үүрч явдаг нь зөвлөмжөөс хэтэрсэн үзүүлэлт юм.
Хамгийн хүнд цүнх үүрдэг хүүхдүүд нурууны өвчлөл тусах эрсдэл 50 хувиар, бусад эмгэг үүсэх эрсдэл 42 хувиар өндөр байдгийг судалгаа харуулжээ. Түүнчлэн охидын хувьд эрсдэл хөвгүүдээс өндөр байна.
Мэргэжилтнүүд цүнхийг хоёр мөрөндөө зүүх, өргөн зөөлөн оосортой цүнх сонгох, хамгийн хүнд номоо нуруунд ойр байрлуулах, шаардлагагүй зүйлийг өдөр бүр гаргаж авахыг зөвлөж байна.
Өглөөний товчлол · Албан ёсны мэдээллийн захидал
Өдөр болгон
шинэ мэдээ авахыг хүсвэл.
Өнөөдрийн хамгийн чухал мэдээ, сурвалжлагыг имэйл хаягаар тань хүргэнэ. Бүртгэл үнэгүй бөгөөд хэзээ ч цуцлах боломжтой.
- Үнэгүй бүртгэл
- Спам, зар байхгүй
- Хэзээ ч цуцлах