“Өглөөний шуудан” сайт нь өглөө бүр таны оюун санааны охь шимийн төлөө хичээнгүйлэн ажиллахдаа улс төр, эдийн засаг, эрэн сурвалжлах, нийгмийн амьдрал, дэлхийн мэдээ, энтертаймент ертөнц, аяны богц, сошиалын суваг гэсэн үндсэн цэсийн дор үйл ажиллагаа эрхэлнэ.
Эрх мэдлээ урвуулан ашигласан, хахууль авсан хоёр хэргийг прокурорт шилжүүллээ
Авлигатай тэмцэх газраас эрх мэдэл, албан тушаалын байдлаа урвуулан ашигласан болон хахууль авсан гэх хоёр хэргийн мөрдөн шалгах ажиллагааг дуусгаж, шүүхэд шилжүүлэх саналтайгаар прокурорт хүргүүллээ.
Эхнийх нь Хил хамгаалах байгууллагын нэгэн ангийн захирагчаар ажиллаж байсан Х.Х-тэй холбоотой. Тэрбээр албан тушаалаа урвуулан ашиглаж, тус ангийн албан хаагчийг хууль бусаар бусдын хувийн эзэмшлийн барилгын ажилд ажиллуулсан гэх хэрэгт холбогджээ. Мөн уг албан хаагч бэртэл авсан хугацаандаа ажил үүргээ гүйцэтгээгүй атал нийт 12.6 сая төгрөгийн цалин олгож, бусдад давуу байдал бий болгосон гэж үзжээ.
Хоёр дахь хэрэгт Замын-Үүд дэх Гаалийн газрын Эрсдэлийн удирдлагын албаны даргаар ажиллаж байсан Н.Т холбогдсон байна. Тэрбээр гаалийн хилээр нэвтэрч буй ачаа барааны бүрдүүлэлт хийдэг Д.С, Т.Э нарын гаалийн мэдүүлгийг түргэн шуурхай шалгуулж, гаалийн талбайгаас гарах зөвшөөрөл олгуулах зэрэг гүйцэтгэх ёсгүй үйлдлийг хийсэн гэж шалгагджээ.
Мөрдөн шалгалтын явцад Н.Т эдгээр үйлдлийнхээ хариуд нийт 27 удаагийн үйлдлээр 88.5 сая төгрөгийн хахууль авсан байж болзошгүй нөхцөл тогтоогдсон гэж холбогдох байгууллагаас мэдээллээ.
Өглөөний товчлол · Албан ёсны мэдээллийн захидал
Өдөр болгон
шинэ мэдээ авахыг хүсвэл.
Өнөөдрийн хамгийн чухал мэдээ, сурвалжлагыг имэйл хаягаар тань хүргэнэ. Бүртгэл үнэгүй бөгөөд хэзээ ч цуцлах боломжтой.
- Үнэгүй бүртгэл
- Спам, зар байхгүй
- Хэзээ ч цуцлах