“Өглөөний шуудан” сайт нь өглөө бүр таны оюун санааны охь шимийн төлөө хичээнгүйлэн ажиллахдаа улс төр, эдийн засаг, эрэн сурвалжлах, нийгмийн амьдрал, дэлхийн мэдээ, энтертаймент ертөнц, аяны богц, сошиалын суваг гэсэн үндсэн цэсийн дор үйл ажиллагаа эрхэлнэ.
Солонгосын түүхэн дэх хамгийн үнэтэй салалт буюу SK группын ерөнхийлөгч Че Тэ Вон хуучин гэргийдээ 644 сая доллар төлөхөөр болжээ
Өмнөд Солонгосын шүүх тус улсын хамгийн том санхүү, технологийн компани болох SK группын ерөнхийлөгч, тэрбумтан Че Тэ Воныг хуучин эхнэртээ 944 тэрбум вон (ойролцоогоор 644 сая ам.доллар) төлөхөөр болжээ. Хэрэв эцэслэн батлагдвал энэ нь Өмнөд Солонгосын түүхэн дэх хамгийн өндөр дүнтэй салалтын хэрэг болно.
Сөүлийн Дээд шүүх Че Тэ Воны хуучин гэргий Но Со Ёнд ноогдох хөрөнгийн хэмжээг ийнхүү тогтоов. Энэ нь өмнө нь тогтоож байсан 1.38 их наяд воны шийдвэрээс бага дүн юм.
Че Тэ Вон 1988 онд Өмнөд Солонгосын хуучин Ерөнхийлөгч Но Тэ Уийн охин Но Со Ёнтэй гэрлэж байсан бөгөөд тэдний гэрлэлт тухайн үедээ улс төр, бизнесийн хоёр нэр хүндтэй гэр бүлийг холбосон гэж үзэгддэг байв. Гэвч 2015 онд Че Тэ Вон өөр эмэгтэйтэй хүүхэдтэй болсноо ил болгосноор гэр бүл нь цуцлагдах шалтгаан болжээ.
Орон нутгийн хэвлэлүүд энэ хэргийг "зууны салалт" хэмээн нэрлэсэн юм. Талуудын аль нэг нь дахин Дээд шүүхэд хандах эрхтэй тул шийдвэр эцэслэн батлагдаагүй байна.
Өглөөний товчлол · Албан ёсны мэдээллийн захидал
Өдөр болгон
шинэ мэдээ авахыг хүсвэл.
Өнөөдрийн хамгийн чухал мэдээ, сурвалжлагыг имэйл хаягаар тань хүргэнэ. Бүртгэл үнэгүй бөгөөд хэзээ ч цуцлах боломжтой.
- Үнэгүй бүртгэл
- Спам, зар байхгүй
- Хэзээ ч цуцлах