“Өглөөний шуудан” сайт нь өглөө бүр таны оюун санааны охь шимийн төлөө хичээнгүйлэн ажиллахдаа улс төр, эдийн засаг, эрэн сурвалжлах, нийгмийн амьдрал, дэлхийн мэдээ, энтертаймент ертөнц, аяны богц, сошиалын суваг гэсэн үндсэн цэсийн дор үйл ажиллагаа эрхэлнэ.
Дубайн нисэх онгоцны буудал зорчигчийг 3.4 секундэд нэвтрүүлдэг хиймэл оюунтай хилийн хяналт нэвтрүүллээ
Дубайн олон улсын нисэх онгоцны буудал (DXB) зорчигчийг паспорт, онгоцны тасалбар үзүүлэхгүйгээр хилийн хяналтаар алхаж өнгөрөх боломжтой биометрик технологи туршиж эхэллээ.
Дубайн Иргэний харьяалал, гадаадын иргэдийн ерөнхий газраас (GDRFA) мэдээлснээр “улаан хивс” нэртэй энэхүү үйлчилгээ нь терминалаар нэвтрэх хугацааг 60 гаруй хувиар багасгаж байна. Хиймэл оюунд суурилсан биометрик камер нэгэн зэрэг 10 хүнийг таньж, зорчигчийг ердөө 3.4 секундэд хилийн хяналтаар нэвтрүүлдэг ажээ. Өмнө нь энэ ажиллагаа дунджаар 12.5 секунд зарцуулдаг байсан юм.
Бүртгэлтэй зорчигч зөвхөн нүүрээ халхалсан зүйлээ авчихаад камерын ногоон гэрэл рүү харахад л хангалттай бөгөөд ямар нэг бичиг баримт уншуулах шаардлагагүй. Тус үйлчилгээг эхэлж Терминал 3-т бизнес ангиллын зорчигчдод туршиж байсан бол одоо ирж буй зорчигчдод нээгдээд байна.
DXB нь энэхүү системийг туршиж буй дэлхийн анхны том тээврийн зангилаа болжээ. Өнгөрсөн онд нийт 26.4 сая зорчигч “Ухаалаг хаалга”-ыг ашигласан бөгөөд буудал энэ оны долдугаар сарын эхний хагаст гурван сая орчим зорчигч хүлээн авахаар төлөвлөж байна.
Эх сурвалж: The Independent
Өглөөний товчлол · Албан ёсны мэдээллийн захидал
Өдөр болгон
шинэ мэдээ авахыг хүсвэл.
Өнөөдрийн хамгийн чухал мэдээ, сурвалжлагыг имэйл хаягаар тань хүргэнэ. Бүртгэл үнэгүй бөгөөд хэзээ ч цуцлах боломжтой.
- Үнэгүй бүртгэл
- Спам, зар байхгүй
- Хэзээ ч цуцлах