
Дэлхий даяар 80 мянга гаруй салбартай "Seven-Eleven" 24 цагийн дэлгүүрийг Япон руу нэвтрүүлж, өргөжүүлсэн алдартай бизнесмэн Тошифүми Сүзүки 93 насандаа нас барлаа.
Тэрбээр 1974 онд АНУ-ын Texas мужид үүсгэн байгуулагдсан Seven-Eleven сүлжээг Япон руу авчирч, хэрэглэгчдийн хэрэгцээг хамгийн ойрхон, хурдан хангах 24 цагийн нээлттэй дэлгүүрийн концепцийг бий болгосон юм.
Сүзүки 1932 онд төрсөн бөгөөд 1963 онд "Ito-Yokado" компанид ажилд орж, жижиглэнгийн салбарт ажиллахдаа өдөр бүр шинэ бараа нийлүүлэх, хэрэглэгчийн мэдээлэлд суурилсан бараа бүтээгдэхүүнийг тодорхойлох зэрэг шинэлэг арга барил нэвтрүүлжээ. Түүний санаачилсан энэ загвар Японы жижиглэнгийн салбарыг бүрэн өөрчилж, дэлхий даяар түгэн дэлгэрсэн.
1991 онд тэрбээр Seven-Eleven-ийн толгой компани болох "Seven & I Holdings"-ийг үүсгэн байгуулж, 2005 он хүртэл тэргүүн албан тушаал хашиж байв. 2016 онд компанийн удирдлагад гарсан маргаантай асуудлын дараа бизнесийн хүрээнээс холдсон ч, түүний нөлөө өнөөг хүртэл үргэлжилж байна.
Одоогоор сэтгэгдэл байхгүй. Анх сэтгэгдэл үлдээгч болоорой.
Ёс зүйн хүрээнд сэтгэгдлээ үлдээгээрэй.
Өнөөдрийн хамгийн чухал мэдээ, сурвалжлагыг имэйл хаягаар тань хүргэнэ. Бүртгэл үнэгүй бөгөөд хэзээ ч цуцлах боломжтой.