“Өглөөний шуудан” сайт нь өглөө бүр таны оюун санааны охь шимийн төлөө хичээнгүйлэн ажиллахдаа улс төр, эдийн засаг, эрэн сурвалжлах, нийгмийн амьдрал, дэлхийн мэдээ, энтертаймент ертөнц, аяны богц, сошиалын суваг гэсэн үндсэн цэсийн дор үйл ажиллагаа эрхэлнэ.
Ким Жон Ун Орос, Украины дайнд оролцсон цэргүүддээ зориулж дурсгалын цогцолбор нээжээ
Умард Солонгосын удирдагч Ким Жон Ун Орос, Украины дайнд оролцож амь үрэгдсэн цэргүүддээ хүндэтгэл үзүүлж, дурсгалын цогцолбор нээсэн байна.
Умард Солонгосоос ОХУ-д туслах зорилгоор фронт руу цэргүүдээ илгээсэн гэдгээ баталсан ч хэд орчим цэрэг очсон нь тодорхойгүй.
Гэхдээ Өмнөд Солонгосын тал Умардаас дор хаяж 15 мянган цэргээ ОХУ руу илгээсэн гэх мэдээллийг өгсөн.
Харин үүнээс байлдааны үеэр амь үрэгдсэн цэргийн тоо 2000 орчим гэж тооцоолж буй.
Умард Солонгос ОХУ-д цэргийн тусламж үзүүлснийхээ хариуд эдийн засаг, хүнс болон техникийн тусламжууд авсан гэж үздэг.
Түүнчлэн уг дурсгалын цогцолборын нээлт ОХУ Украинд эзлэгдсэн Курск мужийг эргэн өөрсдийн хяналтад авсны нэг жилийн ойтой давхцаж буйгаараа онцлог болжээ. 
ОХУ-ын Батлан хамгаалахын сайд Андрей Белоусов Умардад айлчлал хийж буй.
Талуудын уулзалтын үеэр Ким "ОХУ-ын үндэсний бүрэн эрх, нутаг дэвсгэрийн бүрэн бүтэн байдлыг хамгаалах бодлогыг урьдын адилаар бүрэн дэмжинэ" хэмээгээд дайнд ОХУ ялалт байгуулах нь гарцаагүй гэдгийг онцолжээ.
Белоусовын мэдээлснээр талууд батлан хамгаалахын салбарын урт хугацааны хамтын ажиллагааны талаар ярилцсан байна. 
Эх сурвалж: ВВС
Өглөөний товчлол · Албан ёсны мэдээллийн захидал
Өдөр болгон
шинэ мэдээ авахыг хүсвэл.
Өнөөдрийн хамгийн чухал мэдээ, сурвалжлагыг имэйл хаягаар тань хүргэнэ. Бүртгэл үнэгүй бөгөөд хэзээ ч цуцлах боломжтой.
- Үнэгүй бүртгэл
- Спам, зар байхгүй
- Хэзээ ч цуцлах