“Өглөөний шуудан” сайт нь өглөө бүр таны оюун санааны охь шимийн төлөө хичээнгүйлэн ажиллахдаа улс төр, эдийн засаг, эрэн сурвалжлах, нийгмийн амьдрал, дэлхийн мэдээ, энтертаймент ертөнц, аяны богц, сошиалын суваг гэсэн үндсэн цэсийн дор үйл ажиллагаа эрхэлнэ.
Ираны газрын тосыг тээвэрлэж явсан "M/T Majestic X" хөлгийг саатуулжээ
АНУ Энэтхэгийн далайд Ираны газрын тосыг тээвэрлэж явсан "M/T Majestic X" нэртэй хөлөг онгоцыг саатуулжээ. Уг ажиллагааг АНУ-ын Батлан хамгаалах яам "maritime interdiction" буюу "далайн саатуулах ажиллагаа" гэж нэрлэсэн. Энэ нь хууль зөрчсөн эсвэл дайсагнасан гэж сэжиглэгдсэн хөлөг онгоцыг тэнгисийн цэрэг саатуулж, шалгахыг хэлдэг.
АНУ дөрөвдүгээр сарын 13-нд Ираны боомтуудад орж, гарч буй хөлөг онгоцнуудын хөдөлгөөнд хориг тавьсан. Хоригийн хүрээнд АНУ-ын Төв командлал 33 хөлөг онгоцыг боомт руугаа буцахыг шаардсан байна. Энэ долоо хоногийн эхээр АНУ Ираны нэг хөлгийг саатуулсныг Тегеран дээрэм гэж нэрлэжээ.
Хамгийн сүүлд Дональд Трамп Ормузын хоолойд мина тавьж буй хөлөг онгоц, завийг шууд буудаж устгах тушаал өгчээ. Тэрбээр "Эргэлзэх зүйл огт байхгүй. АНУ-ын мина цэвэрлэгч хөлгүүд хоолойг цэвэрлэж байна" гэжээ.
Ормузын хоолойгоор дамжин өнгөрч буй хөлөг онгоцнуудаас авсан анхны төлбөрүүдийг Ираны Төв банкинд шилжүүлсэн гэж Ираны парламентын дэд дарга Хамидреза Хажи Бабабей мэдэгдсэн байна. Гэхдээ төлбөрийн хэмжээ, хэрхэн авсан, хэн төлсөн талаар дэлгэрэнгүй мэдээлэл өгөөгүй байна.
ЭХ СУРВАЛЖ: BBC
Өглөөний товчлол · Албан ёсны мэдээллийн захидал
Өдөр болгон
шинэ мэдээ авахыг хүсвэл.
Өнөөдрийн хамгийн чухал мэдээ, сурвалжлагыг имэйл хаягаар тань хүргэнэ. Бүртгэл үнэгүй бөгөөд хэзээ ч цуцлах боломжтой.
- Үнэгүй бүртгэл
- Спам, зар байхгүй
- Хэзээ ч цуцлах