Мияжима бол Хирошимагийн ойролцоо орших арал юм. Дэлхийн соёлын өвд бүртгэлтэй, Японы гурван үзэсгэлэнтэй газрын нэг Ицүкүшима шинто сүм бий. Сүмийн билэгдэл нь далай дээр орших Торий хаалга. Торий нь Японы Шинто шашны сүм болон бусад сүмийн үүдэнд байдаг байгууламж юм. Энэ хаалгыг " Хүний орчлон болон бурхны орчны зааг, бурхны бүс рүү орох хаалга " хэмээн үзэж ихэд хүндэтгэж, зорьж очдог байна. Тиймээс Мияжима арлыг бурхны уналгатай гэдэг нь арлын ойр хавиар бэлчин өөриймсч явах "бугын айлчлал" илтгэх мэт. Тэд өөрсдийг нь зорьж ирсэн зочдын гараас айж эмээлгүйгээр өөрсдийн дуртай идшийг зооглох юм. Яг л энэ газрын эзэн лугаа адил.

Торий хаалганы үзэмж нь далайн түрлэгийн үеэр Японд хамгийн шилдэгт тооцогддог байна. Түрлэгийг ажиглавал ихэд сүрлэг уул мэт өндөрсч, давлагаа нь аажмаар алсран одох нь байгалийн гоо сайхныг бишрүүлж байв. Ийм бишрэм сайхныг үзэх гэж олон жуулчид ялангуяа хосууд ихээр ирдэг болов уу.

Мияжима арал маш романтик бөгөөд олон хосууд хуримын ёслолоо хийдэг ажээ. Бид ч хуримаа хийж яваа залуу хосуудын аялалтай таарсан. Уламжлалт ёс заншлын дагуу хийж буй эл хуримын ёслол маш энгийн даруу болох аж. Ирсэн зочид хосуудад хүндэтгэл үзүүлж арлыг тойрч дурсгалын зураг авахуулаад явцгаав. Мияжима аралд хүрэхийн тулд Энхтайвны цэцэрлэгт хүрээлэнгээс шууд завиар болон гатлага онгоцоор явах боломжтой юм. Хирошима хотын түүхтэй танилцахыг хүссэн хэн бүхэн энэ арлыг зорин ирдэг байна.

Япон улс.

Хирошима хот.

2024. 12. 02.