“Өглөөний шуудан” сайт нь өглөө бүр таны оюун санааны охь шимийн төлөө хичээнгүйлэн ажиллахдаа улс төр, эдийн засаг, эрэн сурвалжлах, нийгмийн амьдрал, дэлхийн мэдээ, энтертаймент ертөнц, аяны богц, сошиалын суваг гэсэн үндсэн цэсийн дор үйл ажиллагаа эрхэлнэ.
Ким Жон Ун БНСУ-ын хилийн дагуух цэргийн хүчээ нэмэгдүүлэхийг тушаажээ
БНСУ-тай залгаа өмнөд хилийн бүс дэх цэргийн хүч, хамгаалалтаа эрчимтэй нэмэгдүүлэх тушаал өгсөн талаар БНАСАУ-ын төрийн мэдээллийн KCNA агентлаг мэдээлжээ. Тэрбээр армийн дивиз, бригадын командлагч нартай хийсэн уулзалтын үеэр “өмнөд хилийг давшгүй цайз болгох” шаардлагатай хэмээн онцолсон байна.
Уулзалтын үеэр Ким Жон Ун орчин үеийн дайны нөхцөл байдал, цэргийн технологийн хөгжлийг харгалзан армийн бүтэц, сургалт болон бэлтгэлийн системийг шинэчлэх хэрэгтэй гэж мэдэгдсэн аж. Мөн фронтын анги нэгтгэлүүдийг техник, зэвсгийн хувьд бэхжүүлж, байлдааны бэлэн байдлыг өндөр түвшинд хадгалахыг үүрэг болгожээ.
Сүүлийн саруудад Солонгосын хойг дахь хурцадмал байдал нэмэгдэж, хоёр Солонгосын харилцаа хамгийн доод түвшинд хүрээд байгаа юм. Үүнтэй холбоотойгоор Пёньян өмнөд хил орчимд бэхлэлт байгуулах, цэрэг армийн хөдөлгөөнөө нэмэгдүүлэх ажиллагааг идэвхжүүлж буй талаар олон улсын ажиглагчид онцолж байна.
Мөн шинжээчдийн үзэж буйгаар БНАСАУ нь Украин дахь дайн болон Ойрхи Дорнодын мөргөлдөөнөөс сургамж авч, дрон, нарийвчлалтай цохилт, электрон дайны технологийг армийнхаа шинэчлэлд тусгахыг зорьж байгаа аж.
Өглөөний товчлол · Албан ёсны мэдээллийн захидал
Өдөр болгон
шинэ мэдээ авахыг хүсвэл.
Өнөөдрийн хамгийн чухал мэдээ, сурвалжлагыг имэйл хаягаар тань хүргэнэ. Бүртгэл үнэгүй бөгөөд хэзээ ч цуцлах боломжтой.
- Үнэгүй бүртгэл
- Спам, зар байхгүй
- Хэзээ ч цуцлах